Sunday, June 8, 2014

كيف تكتب بايو مميز في تويتر؟



حلو الواحد يترك له بصمة فأي مكان، وإحنا شعب ما شاء الله علينا تاركين بصمة تاركين والله لا يعوق بشر! من طاولات المطاعم والمدارس إلى مواقع التواصل الإجتماعي.

تويتر وفيس بوك وغيرها من المواقع هي أكثر مكان يسمح للواحد فينا يعبرعن نفسه ويكون له صوته الخاص ورأيه المتفرد.

وكلنا نحب يكون عندنا متابعين كثير، أبغى الناس تتفاعل معي وناخذ ونعطي مع بعض، ما أبغى أسمع صوت صراصير الليل!

لاحظت على نفسي إن من أهم الأسباب اللي تخليني أضغط فولو أو أسحب سحبة أليمة هي البايو، فقررت أسوي بحث خفيف عن الأشياء اللي ممكن تشجع الواحد يسوي لي فولو.

1- الاسم:

طبعاً هنا لك الخيار.

الكثير مننا يختار اسم مستعار لأنه يرغب يعبر عن نفسه بدون قيود ويحب يتكلم بحرية أكثر.
مو شرط هذا يعني أن الشخص يخرج عن نطاق الأدب العام بس أحياناً، خصوصاً في مجتمعنا في أشياء كثيرة تعتبر تابو والواحد مهما كان من الصعب أن يدلي بدلوه فيها باسمه الحقيقي.

الخيار الثاني إنك تكون صريح وواضح وتكتب اسمك الكامل، على راحتك يا فندم!

2- الصورة:

كمان في خيارين.

ممكن تكون صريح ومشخص بصورتك ومن الأفضل تكون صورة للرأس والكتف عشان الدائرة صغيرة فصورة كاملة ما تكون واضحة مثل القريبة.

أو إنك تختار شي يعبر عنك، مهما كان هذا الشي، صورة كوب قهوة للمروقين، ممثل أو مغني يعجبك، مقولة متفائلة تتبعها كل يوم. حاول ما تكون سلبي أو تخلي الصورة أسود مثلاً لأن حتى لو إخترت إنك ما تحط صورتك ممكن الصورة اللي تعبر عنك تجذب لك متابعين.

3- طريقة الكتابة:

مثلاً إذا كان حسابك رسمي، خلي النبرة أو طريقة كتابتك في البايو ثقيلة وإذا كنت فلة وتحب التفاعل خلها مصرقعة وهكذا!
يعني يفرق حساب سلمان العودة مثلاً عن حساب فهد البتيري. والإختلاف كله يكون واضح من الأسلوب والنبرة. أهم شي تختار الأسلوب اللي يريحك ويعبر عنك.

4-عرف متابعينك عليك:

ممكن تفكر بثلاث كلمات تعبر عنك وتكتبها في البايو مثلاً تقول: متفائل، شاطح، وأحب القهوة!
يعني أشياء بسيطة تلفت النظر، أو تتكلم عن إنجازات لك، مثلاً: مؤسس لشركة …...، قارئ، أحب الشعراء ولست منهم.

الكلام اللي تكتبه يقرر إذا كان الشخص أستلطفك أو ما دخلت مزاجه. عشان كذا يرحم أمك لا تسيبه فاضي.
يعني أقصد من الأفضل ما تتركه فاضي J

5- لا للإقتباس:

لاحظت الكثير يقتبسون مقولات أو بيت شعر أو حتى حديث. صحيح الأشياء هذه ممكن تعبر عنك بس ممكن تكون تغريده مثلاً بدل ما تكون دائمة في البايو.
حاول ما تقتبس لأن الناس تبغى تقرأ شي عنك إنت، تبغى تعرفك إنت مو الشخص اللي تقتبسه.

6- دل الشخص على حساباتك الأخرى:

إذا كان عندك موقع أو مدونة أو أي شي خاص فيك، حلو إنك تكتبه عشان الناس يعرفون عنك أكثر بالطريقه هذه.

هي مجرد أفكار خفيفة أتمنى تكون مفيدة لكم والله يرزقكم فولورز من حيث لا تحتسبوا!

على فكرة، لما طبقت النقاط هذه صار عندي 23 فلورز  زيادة أوكي مو كثير مرة بس على الأقل تقدم J


إيثـار




المصادر:


1 comment: